मुंबई, : दक्षिण-मध्य मुंबईतील ऐतिहासिक कमाठीपुरा क्लस्टर पुनर्विकास प्रकल्पाच्या अंमलबजावणीला आज अधिकृत व मोठा वेग मिळाला आहे. म्हाडाच्या मुंबई इमारत दुरुस्ती व पुनर्रचना मंडळाच्या (MBRRB) माध्यमातून या महत्त्वाकांक्षी प्रकल्पासाठी आज भगिरथी हाऊसिंग प्रा. लि. आणि मथी डेव्हलपर्ससोबत अधिकृत बांधकाम व विकास संस्था (C&DA) करारावर स्वाक्षरी करण्यात आली.
वांद्रे येथील म्हाडा मुख्यालयात म्हाडाचे उपाध्यक्ष तथा मुख्य कार्यकारी अधिकारी श्री. संजीव जयस्वाल यांच्या प्रमुख उपस्थितीत हा करार संपन्न झाला. मंडळाचे मुख्य अधिकारी श्री. मिलिंद शंभरकर आणि विकासक कंपनीचे संचालक श्री. अतुल गोयल यांनी करारावर स्वाक्षरी केली. या महत्त्वपूर्ण करारामुळे हा प्रकल्प आता कागदावरून थेट प्रत्यक्षात उतरण्याच्या टप्प्यात आला असून, आगामी दिवाळीच्या शुभ मुहूर्तावर या प्रकल्पाचे प्रत्यक्ष काम सुरू होणार आहे.
याप्रसंगी बोलताना श्री. संजीव जयस्वाल यांनी सांगितले की, नागरिकांची सुरक्षा, मान-सन्मान आणि दर्जेदार आधुनिक जीवनमान हे या प्रकल्पाचे मुख्य उद्दिष्ट आहे. कमाठीपुऱ्याची ऐतिहासिक आणि जुनी ओळख कायम ठेवून तेथे एक आधुनिक, शाश्वत आणि पूर्णपणे नागरिक-केंद्रित वस्ती विकसित करण्याचा म्हाडाचा मानस आहे. कराराच्या प्रसंगी म्हाडाचे वरिष्ठ अधिकारी आणि विकासक कंपन्यांचे प्रतिनिधी मोठ्या संख्येने उपस्थित होते.
Similar Posts
गुजरातमध्ये लवकरच समान नागरी कायदा
नगर/गुजरात मध्ये सध्या विधानसभा निवडणुकीची धामधूम सुरू झालीय याच पार्श्वभूमीवर गुजरातमध्ये युनिफॉर्म सिव्हील कोड अर्थात समान नागरी कायदा लागू केला जाणार असल्याचे गुजरातचे मंत्री हर्ष संघवी यांनी सांगितले . त्यासाठी एक समिती बनवली जाणार आहे आणि गुजरात उच्च न्यायालयाचे निवृत्त न्यायमूर्ती या समितीचे अध्यक्ष असतील या समितीच्या माध्यमातून समान नागरी कायदा आणला जाणार असल्याने गुजरात…
तुनिशा प्रकरणातील आरोपाला ४ दिवसांची पोलीस कोठडी
मुंबई – हिंदी टेलिव्हिजन मालिकांमधली अभिनेत्री तुनिशा शर्मानं काल आत्महत्या केली. वसईनजिकच्या नायगावमध्ये एका मालिकेचं शूटिंग सुरु असताना ही धक्कादायक घटना घडली. दरम्यान, शवविच्छेदन अहवालात तुनिषाच्या मृत्यूचं कारण गळफास हेच असल्याचं सहाय्यक पोलीस आयुक्त चंद्रकांत जाधव यांनी स्पष्ट केलं आहे. तिच्या आईचं म्हणन होतं की, शीझानचं आणि तुनिषाचा ब्रेक अप झालं होतं. त्यामुळं ती नैराश्यात…
