कॉकपिटमधील थरार: कुल्हाडीच्या हल्ल्यातही भारतीय कॅप्टन स्मित मच्छर यांनी वाचवले शेकडो प्राण; अब्राहम अकॉर्ड्स बिघडवण्याचा मोठा कट उधळला!

आंतरराष्ट्रीय विमान वाहतूक क्षेत्रात खळबळ उडवून देणाऱ्या फ्लाईदुबई  विमान अपहरणामागील आणि हल्ल्यामागील एक मोठा भू-राजनीतिक  कट उघडकीस आला आहे. दुबईहून तेल अवीव (इस्त्रायल) जाणाऱ्या या विमानात ओमानचा को-पायलट हमाम अल-हमामी याने भारतीय कॅप्टन स्मित मच्छर  यांच्यावर इमर्जन्सी कुल्हाडीने  जीवघेणा हल्ला केला. कॅप्टनला संपवून विमान क्रश करण्याचा आणि इस्त्रायली नागरिकांचे जीव घेण्याचा हा भयानक कट होता.
हल्ल्यात शरीरावर गंभीर वार झाले असतानाही आणि रक्ताच्या थारोळ्यात पडलेले असतानाही, कॅप्टन स्मित मच्छर यांनी प्रचंड जिद्द दाखवली. मनःस्वास्थ टिकवण्यासाठी ते सतत हनुमान चालीसा पठण करत होते आणि याच आध्यात्मातून व आत्मबलातून मिळालेल्या ताकदीने त्यांनी शेवटपर्यंत लढा देत कॉकपिटचा दरवाजा उघडला व प्रवाशांच्या मदतीने हल्लेखोराला जेरबंद केले.
तज्ज्ञांच्या मते, हा केवळ एक वैयक्तिक हल्ला नव्हता, तर यामागे एक आंतरराष्ट्रीय षड्यंत्र होते. या विमानात मोठ्या प्रमाणावर इस्त्रायली प्रवासी होते. जर हा कट यशस्वी झाला असता, तर संयुक्त अरब अमिराती (UAE) आणि इस्त्रायल यांच्यातील ऐतिहासिक ‘अब्राहम अकॉर्ड्स’ (Abraham Accords) व दोन्ही देशांमधील मैत्रीपूर्ण संबंध उद्ध्वस्त करणे हा मुख्य हेतू होता. 7 ऑक्टोबरच्या हल्ल्यांमागे जसा शांतता करार मोडून काढण्याचा डाव होता, अगदी तसाच हा आणखी एक मोठा प्रयत्न होता, जो भारतीय कॅप्टनच्या दूरदृष्टी आणि धाडसामुळे अपयशी ठरला.
कॅप्टन स्मित मच्छर यांनी केवळ विमानातील शेकडो प्रवाशांचे प्राण वाचवले नाहीत, तर दोन देशांमधील कूटनीतिक आणि राजकीय संबंधांमध्ये निर्माण होणारी मोठी दरीही यशस्वीपणे रोखून धरली. त्यांच्या या अतुलनीय शौर्याचे आणि देशभक्तीचे संपूर्ण जगात कौतुक होत आहे.