महाराष्ट्र अन्न व औषध प्रशासनाचे (FDA) आयुक्त तुकाराम मुंढे यांच्या कठोर आणि धडाकेबाज कारवाईमुळे सध्या संपूर्ण मुंबईतील हॉटेल आणि खाद्य व्यवसायांमध्ये एकच खळबळ उडाली आहे. त्यांच्या या कडक भूमिकेमुळे बॉलिवूड सेलिब्रिटींच्या मालकीची किंवा त्यांच्याशी संबंधित असणारी हॉटेल्स आणि कॅफे देखील धास्तावल्याचे समोर येत आहे.
नुकतेच अभिनेत्री प्रीती झिंटा हिने ‘टीम मुंढे’ लिहिलेली टी-शर्ट परिधान करत तुकाराम मुंढेंच्या मोहिमेचे जाहीर समर्थन केले, तर अभिनेता सलमान खाननेही आपल्या मित्राच्या कॅफेला गमतीशीर शब्दांत तडाखा देत किंमती न वाढवण्याचा, अन्नाची गुणवत्ता आणि स्वच्छता चोख ठेवण्याचा सल्ला दिला. तसेच, नियम मोडल्यास थेट तुकाराम मुंढ्यांना पाठवण्याचा मजेशीर इशाराही त्याने दिला. मात्र, यामागची खरी किनार मुंबईतील हॉटेल्सवर सुरू असलेल्या कडक तपासणीची आहे.
मुंढे यांच्या नेतृत्वाखाली एफडीएच्या पथकाने मुंबईतील अनेक नामांकित हॉटेल्स, रेस्टॉरंट्स आणि खाद्य आस्थापनांवर अचानक छापे टाकत कारवाई केली आहे. या तपासणीदरम्यान अनेक प्रसिद्ध ठिकाणी अस्वच्छता, कीटकांचा प्रादुर्भाव, अन्नाचा चुकीचा साठा आणि आरोग्यास अपायकारक बाबी निदर्शनास आल्या आहेत. यामुळे केवळ सामान्य व्यावसायिकच नव्हे, तर सेलिब्रिटी आणि बड्या हॉटेल मालकांमध्येही कारवाईची मोठी धास्ती निर्माण झाली आहे. एकीकडे सेलिब्रिटी या मोहिमेचे कौतुक करत असले, तरी दुसरीकडे कुणाच्याही हॉटेल्सवर कधीही धाड पडू शकते, या भीतीपोटी संपूर्ण हॉटेल उद्योगात सध्या अन्नाची गुणवत्ता आणि स्वच्छतेचे नियम पाळण्याची मोठी स्पर्धाच सुरू झाली आहे.
Similar Posts
निवडणूका पुढे ढकलण्यास नकार ; सरकारची विनंती निवडणूक आयोगाने फेटाळली
: मुंबई – जिल्हा परिषदा आणि नगर पंचायत समितीच्या निवडणुका पुढे ढकलवयात अशी अर्जी सरकारने निवडणूक आयोगाकडे मागणी केली होती पण सादर निवडणुका सर्वोच्च न्यायालयाच्या आदेशानुसार होत असल्याने त्यांचे वेळापत्रक बदलता येणार नाही . निवडणुका ठरलेल्या तारखेलच होतील असे म्हणत निवडणूक आयोग ने सरकारची विनंती फेटाळली आहे .त्यामुळे आता 5 जिल्हा परिषदा आणि 33 नगर…
