मुंबई, २२ फेब्रुवारी २०२६: जिल्हा विधी सेवा प्राधिकरण मुंबई शहर-उपनगर आणि जिल्हाधिकारी मुंबई शहर यांच्या संयुक्त विद्यमाने आयोजित ‘मेगा लिगल सर्व्हिस कॅम्प’ उपक्रम आज वर्ल्ड ट्रेड सेंटर, कफ परेड येथे यशस्वीपणे संपन्न झाला. ‘शासकीय योजना आपल्या दारी’ या उपक्रमांतर्गत विविध शासकीय योजनांची माहिती एकाच ठिकाणी जनतेला उपलब्ध करून देण्याच्या उद्देशाने हा कॅम्प राबवण्यात आला.कार्यक्रमाला मुंबई उच्च न्यायालयातील प्रमुख न्यायाधीशांचे मार्गदर्शन लाभले. मा. ए. एस. गडकरी (चेअरमन, जिल्हा विधी सेवा प्राधिकरण), मा. सुमन श्याम (गार्डियन न्यायाधीश, सिटी सिव्हिल कोर्ट), मा. भारती डांगरे (गार्डियन न्यायाधीश, फॅमिली कोर्ट) आणि मा. नीला गोखले (गार्डियन न्यायाधीश, सिटी सिव्हिल कोर्ट) यांच्या मुख्य उपस्थितीत उपक्रम साजरा झाला.यावेळी नशाबंदी मंडळाच्या माध्यमातून व्यसनमुक्ती पोस्टर्सचे प्रदर्शन आयोजित करण्यात आले. उपस्थित नागरिकांना व्यसनांचे दुष्परिणाम, उपाययोजना व प्रचारपत्रके वाटप करून जनजागृती करण्यात आली. नशाबंदी मंडळाचे उपाध्यक्ष एकनाथ तांबवेकर, विस्डम फाउंडेशनचे प्रचारक सय्यद बुखारी आणि मुंबई शहर संघटिका चेतना सावंत हे प्रमुख उपस्थित होते.या उपक्रमामुळे शेकडो नागरिकांना कायदेशीर सल्ला, शासकीय योजनांची माहिती मिळाली आणि सामाजिक जागृती वाढली.

