मुंबई/ अखेर मुंबई महानगरपालिकेच्या २२७ प्रभागांसाठी आरक्षण सोडत जाहीर करण्यात आली आहे. ज्येष्ठ नगरसेवक रवी राजा,तेजस्विनी घोसाळकर,माजी महापौर मिलिंद वैद्य ,कप्तान मलिक आदींचे वार्ड आरक्षित झाल्याने त्यांना नवे वार्ड शोधावे लागतील.
न्यायालयाच्या आदेशानंतर मुंबई महापालिकेच्या निवडणुकीची तयारी सुरू झाली असून, यंदाही शाळेच्या विद्यार्थ्यांद्वारे ही आरक्षण सोडत काढण्यात आली आहे. मुंबई महापालिकेचा कार्यकाळ ७ मार्च २०२२ रोजी संपुष्टात आला असून, तेव्हापासून प्रशासक राजवट सुरू आहे. मागील निवडणूक २०१७ मध्ये झाली होती.
अनुसूचित जातीसाठी आरक्षित असलेल्या १५ प्रभागांमध्ये २६, ९३, १५१, १८५, १४६, १५२, १५५, १४७, १८९, ११८, १८३, २१५, १४१, १३३, आणि १४० यांचा समावेश आहे. यापैकी १५१, १८६, १५५, १४७, १८९, ११८, १८३, आणि १३३ हे प्रभाग SC महिलांसाठी आरक्षित आहेत.मागास प्रवर्ग ( ओबीसी) साठी एकूण ६१ प्रभाग आरक्षित आहेत. यामध्ये ७२, ४६, २१६, ३२, ८२, ८५, ४९, १७०, १९, ९१, ६, १७६, १०, १९८, १९१, १०८, २१९, १२९, ११७, १७१, ११३, ७०, १०५, १२, १९५, ५०, १३७, १, २२६, ४, १८२, ९५, २२२, ३३, १३८, २७, ४५, १८७, ८०, २२३, १५०, १३०, १५८, १६७, २०८, १३५, ८७, ११, १५३, १८, १३, १९३, ७६, ४१, १११, १२८, ५२, ६३, आणि १९० यांचा समावेश आहे. यापैकी अनेक प्रभाग ओबीसी महिलांसाठी आरक्षित आहेत, जसे की ७२, ४६, २१६, ३२, ८२, ४९, १७०, १९, ६, १७६, १९८, १९१, १०८, १२९, १०५, १२, १, ३३, २७, ८०, १५०, १५८, १६७, ११, १५३, १८, १३, १२८, आणि ५२
अनुसूचित जमातीसाठी दोन प्रभाग आरक्षित आहेत. यामध्ये प्रभाग क्रमांक५३ ( एसटी महिला/पुरुष) आणि १२१( एसटी महिला) यांचा समावेश आहे.आरक्षण सोडतीमुळे अनेक माजी नगरसेवकांना फटका बसला आहे. गेल्यावेळी अनेक ठिकाणी सर्वसाधारण प्रवर्गाचे वॉर्ड असणाऱ्या भागात यंदा ओबीसी आरक्षण जाहीर झाले आहे. तर काही प्रभाग हे महिलांसाठी आरक्षित झाले आहेत. त्यामुळे गेल्या टर्ममध्ये निवडून आलेल्या काही नगरसेवकांना आता एकतर निवडणूक लढवता येणार नाही किंवा त्यांना स्वत:साठी दुसरा वॉर्ड पाहावा लागेल. अशा नगरसेवकांमध्ये तेजस्विनी घोसाळकर, मिलिंद वैद्य, कप्तान मलिक, रवी राजा यांच्यासारख्या बड्या नगरसेवकांचा समावेश आहे. विनोद घोसाळकरांची सून तेजस्विनी घोसाळकर यांचा मतदार संघ मागासवर्ग प्रवर्ग (ओबीसी) म्हणून आरक्षित झाला आहे. मिलिंद वैद्य यांचा १८२ वॉर्ड देखील आता ओबीसी प्रवर्गासाठी आरक्षित झाला आहे. याशिवाय, मुंबईतील वॉर्ड क्रमांक १०, ११,१२ आणि १३ हे सलग चार वॉर्ड ओबीसी प्रवर्गाच्या उमेदवारांसाठी आरक्षित झाले आहेत. यापैकी ११,१२ आणि १३ हे प्रभाग ओबीसी महिला उमेदवारासाठी आरक्षित असतील.
