कांचीपुरम/देशात कफ सिरपमुळे लहान मुलांच्या झालेल्या मृत्यूच प्रकरण गाजत आहे. हा विषारी कफ सिरप ‘कोल्ड्रिफ’ बनवणारी कंपनी श्रीसन फार्माचे मालक रंगनाथन गोविंदन यांना एमपी एस आय टी ने अटक केली आहे. रात्री उशिरा त्यांना अटक करण्यात आली. पोलिसांनी रंगनाथन गोविंदन यांच्यावर २० हजार रुपयांच इनाम जाहीर केलेलं. रंगनाथन गोविंदन हे चेन्नई येथील आपलं घर आणि कांचीपुरम तमिळनाडू येथील फॅक्टरीला टाळं लावून पत्नीसोबत फरार झालेले. मिळालेल्या माहितीनुसार, विषारी कफ सिरप कोल्ड्रिफ पिऊन २० निष्पापांचा मृत्यू झाल्यानंतर छिन्दवाडाच्या परासिया पोलीस ठाण्यात ५ ऑक्टोंबरला औषध निर्माता कंपनी श्रीसन फार्माच संचालक मंडळ, बालरोजतज्ज्ञ डॉक्टर प्रवीण सोनी आणि अन्य जबाबदार व्यक्तींविरोधात कलम १०५,२७६व ड्रग्स एंड कॉस्मेटिक एक्ट १९४० च्या कलम २७ ए अंतर्गत गुन्हा दाखल केला.
बालरोजतज्ज्ञ डॉक्टर प्रवीण सोनी यांना पोलिसांनी आधीच अटक केली होती. पण अन्य अटका झाल्या नव्हत्या. औषध निर्माता कंपनीच्या मालकाच्या अटकेसाठी छिन्दवाड़ा एसपी अजय पांडे यांनी १२ सदस्यीय एसआयटीची स्थापना केलेली. पोलीस सूत्रांनुसार, एसआयटी टीम रंगनाथन यांना चेन्नईवरुन भोपाळला घेऊन जात आहे. तिथे कफ सिरप निर्माण, कच्चा मालाचा पुरवठा, वितरण नेटवर्क आणि लायसन्सशी संबंधित अनियमितता याची चौकशी केली जाईल. सिरपमध्ये घातक केमिकलचा कसा समावेश करण्यात आला? कंपनीच्या क्वालिटी तपास प्रक्रियेत इतकी गंभीर चूक कशी झाली? याचा शोध घेण्यात येईल
