मुंबई- दि. ०८/०४/२०२२ रोजी राष्ट्रवादी काँग्रेस पक्षाचे अध्यक्ष मा.श्री. शरद पवार यांच्या गावदेवी पोलीस ठाणे हद्दीत *सिल्वर ओक या निवासस्थानी एस.टी.कर्मचारी यांनी आक्रमक आंदोलन केले होते, त्या अनुषंघाने सदर *१०९ (२४महिला) आंदोलकर्ते तसेच त्यांचे वकील ऍड.गुणरत्न सदावर्ते यांच्यावर गांवदेवी पोलीस ठाणे येथे गुन्हा नोंद क्र १३२/२२, कलम-१४२,१४३,१४५,१४७,१४९,३५३,३३२,३३३,४४८,४५२,१०७ (ब) सह कलम- ७ Criminal Law Amendment Act सह कलम- ३७/१३५ महाराष्ट्र पोलीस कायदा या गुन्ह्यात अटक करण्यात आली होती.
वर नमूद सर्व आरोपी यांना आज दि.०९/०४/२०२२ रोजी मा. मुख्य महानगर दंडाधिकारी न्यायालय न्यायमूर्ती श्री. सावंत कोर्ट क्र.१९ (किल्ला कोर्ट) येथे रिमांड कामी आणण्यात आले होते. परंतु कोर्ट रूम मधील अपुऱ्या जागेमुळे त्यापैकी फक्त आरोपी गुणरत्न सदावर्ते यांना क्र.१९ मध्ये रिमांड कामी हजर करण्यात आले होते आणि इतर १०९ आरोपी यांना कोर्ट क्र.१९ च्या बाहेर उभे करण्यात आले होते.
सदर सुनावणी दरम्यान गुणरत्न सदावर्ते यांच्या बाजूने ऍड श्री.महेश वासवानी तर सरकारी पक्षाच्या बाजूने ऍड.श्री.प्रदीप घरत तसेच इतर १०९ आरोपी यांचे वकील ऍड श्री. गायकवाड या सर्वांनी आपआपली बाजू मांडली.
तिन्ही पक्षांची बाजू ऐकून झाल्यानंतर मा. मुख्य महानगर दंडाधिकारी न्यायालय न्यायमूर्ती श्री. सावंत कोर्ट क्र.१९ (किल्ला कोर्ट) यांनी गुन्ह्यातील *अटक आरोपी क्र.०१ सदावर्ते यांना दि. ११/०४/२०२२पर्यंत २ दिवसांची पोलीस कोठडी तसेच इतर आरोपी यांना न्यायालयीन कोठडी सुनावण्यात आली आहे.
सदर सुनावणी बाबत माहिती घेण्याकरिता मोठ्या प्रमाणात मीडियाचे प्रतिनिधी कोर्ट कंपाऊंडच्या बाहेर कॅमेरे सह उपस्थित होते.
Similar Posts
पालिकेतील भ्रष्टाचाऱ्यांना कोरोणच्या तिसऱ्या लाटेच्या निमित्ताने आर्थिक पर्वणी मलिद्यासाठीच नव्या जंबो कोविड सेंटरचा खटाटोप
मुंबई/ पंतप्रधान मोदी कधीतरी म्हणाले होते की माणसाला पुढे जायचे असेल तर संकटात सुधा संधी शोधायला हव्यात.आज सेना भाजपचे भलेही भांडण सुरू असेल तरी पंतप्रधान मोदींचा अमूल्य सल्ला पालिकेतील सत्ताधारी आणि प्रशासनाने शिरसावंद्य मानून कोरॉनाच्या संकटकाळात सुधा कुठे कुठे कसा कसा हात मारता येईल याकडेच अधिक लक्ष केंद्रित केलेले आहे.आणि त्याचेच जिवंत उदाहरण महालक्ष्मी रेस्कोर्स…
घाबरू नका -पंचसूत्राचे पालन करा- मुख्यमंत्र्यांचे जनतेला आवाहन
नागपूर -जगात पुन्हा कोरोनाचा उद्रेक वाढला आहे त्यामुळे खबरदारी बाळगणे गरजेचे आहे मात्र काळजी करण्याचे कारण नाही कारण कोरोनाचा बीएफ-७ व्हेरियंट अद्याप तरी महाराष्ट्रात आलेला नाही त्यामुळे काळजी करू नका असे आवाहन मुख्यमंत्र्यांनी केले आहे जगातील कोरोनाच्या उद्रेकाच्या पार्श्वभूमीवर महाराष्ट्रात देखील खबरदारी घेण्यात येत आहे. नागरिकांनी घाबरून जाऊ नये, असे आवाहन करतानाच सर्व पालकमंत्र्यांनी आपापल्या…
