भाजपाचे मुंबई महापालिकेत जे ८१ नगरसेवक आहेत, त्यातील ३० नगरसेवक हे मराठी आहेत, उर्वरित सर्व अमराठी आहेत. त्यामुळे ज्या पक्षाला महापालिकेत ५० टक्केही मराठी नगरसेवक देता येत नाहीत, त्यांनी मराठीवर बोलू नये. मराठीचा मुद्दा शिवसेनेच्या नसानसांत भिनलेला आहे. आता निवडणूक जवळ आल्यावर ते मराठीवर बोलत आहेत, पण हे त्यांचे ढोंग आहे. स्थायी समिती अध्यक्ष यशवंत जाधव यांनी भाजपाचा तिखट शब्दांत समाचार घेतला.
मराठी अधिकाऱ्यांना डावलून अमराठी अधिकाऱ्यांना पदोन्नती देत असल्याचा आरोपही केला. शिवसेनेकडून मराठीची गळचेपी होत असल्याचा आरोप करत आपल्याच भूमीत मातृभाषेची गळचेपी भारतीय जनता पक्ष कदापि सहन करणार नाही, असा इशारा भाजपाचे गटनेते प्रभाकर शिंदे त्यांनी पत्रकार परिषदेत दिला .
