प्रयागराज – सोमवार दिनांक १२ जानेवारी पासून उत्तर प्रदेशातील सुर्याग्रज येथे कुंभ मेळा सुरु होत आहे देशभरातून . ४० कोटी लोक या कुंभ मेल्याला येणार असल्याचं सांगितले जाते. दरम्यान काही ठिकाणी कुंभमेळ्याला निघालेल्या गाड्यांवर दगडफेक झाल्याच्या घटना समोर येत आहेत
सुरतहून महाकुंभमेळ्याला जाणाऱ्या रेल्वेवर जळगावमध्ये दगडफेक करण्यात आली. सुरतहून प्रयागराजकडे जाणाऱ्या ताप्तीगंगा एक्सप्रेस गाडीवर दगडफेक करण्यात आली. सुरतहून निघालेली ट्रेन जळगावला येत असताना दगडफेक करण्यात आली, त्यामुळे डब्याच्या बाजूच्या काचाही फुटल्या. त्यामुळे डब्यातील लहान मुले व महिलांसह प्रवाशांमध्ये भीतीचे वातावरण पसरले. प्रवाशांकडून व्हिडिओ तयार करून सोशल मीडियावर व्हायरल केले जात आहेत
महाकुंभ प्रयागराज ट्रेन, ताप्ती गंगा ट्रेन सुरतच्या उधना रेल्वे स्टेशनवरून निघाली होती. महाकुंभमेळ्यापूर्वी या ट्रेनमधून मोठ्या संख्येने भाविक शाही स्नानासाठी सुरतहून निघाले. बी६ कोचमधून सुरतचे भाविक प्रवास करत होते. या कोचमध्ये पाच मुले, सहा वृद्ध, 13 महिला आणि 12 पुरुष होते. हे सर्व सुरतचे भक्त होते आणि त्यांच्या व्यतिरिक्त ट्रेनमधील ४५ % लोक कुंभसाठी प्रयागराजला जात आहेत.
