मुंबई – शालिनी सहकारी बँक लिमिटेड, मुंबईची ४५ वी वार्षिक सर्वसाधारण सभा २८ सप्टेंबर २०२६ रोजी भायखळा येथील सावळाराम मेहर हॉलमध्ये उत्साहात आणि खेळीमेळीच्या वातावरणात संपन्न झाली.
सभेची सुरुवात बँकेच्या संचालिका सौ वर्षा माळी यांनी सर्वांचे स्वागत केले. त्यानंतर महाराष्ट्र गीताने सुरुवात करण्यात आली.
अलीकडेच निधन झालेल्या स्वर्गीय आमदार शालिनीताई पाटील यांना यावेळी उपस्थित सभासदांनी मौन पाळून आदरांजली अर्पण केली. त्यांच्या स्मृतींना उजाळा देत कार्यक्रमाचे औपचारिक कामकाज सुरू झाले .
सभेच्या अध्यक्षस्थानी बँकेचे अध्यक्ष भानुदास महादेव जाधव हे होते. आपल्या अध्यक्षीय भाषणात त्यांनी बँकेच्या सद्यस्थितीवर प्रकाश टाकला. ते म्हणाले, “बँकेच्या प्रगतीत सध्या काही अल्पशा अडचणी असल्या, तरीही त्यातून खचून न जाता आम्ही त्यावर योग्य त्या उपाययोजनांद्वारे मात करत बँकेची वाटचाल प्रगतिशील ठेवणार आहोत.
बँकेच्या प्रगतीचा आढावा घेत असतानाच आगामी काळातील वाटचालीचा स्पष्ट आणि आश्वासक संदेश यावेळी देण्यात आला
सभासदांचे हित आणि बँकेची आर्थिक स्थिरता डोळ्यासमोर ठेवून आम्ही बँकेची स्थिती सातत्याने प्रगतिशील ठेवणार आहोत.” त्यांच्या या ठाम भूमिकेमुळे उपस्थित सभासदांमध्ये एक नवा आत्मविश्वास निर्माण झाला.
या वार्षिक सर्वसाधारण सभेस बँकेचे पदाधिकारी आणि संचालक मंडळ तसेच सभासद मोठ्या संख्येने उपस्थित होते. यामध्ये प्रामुख्याने उपाध्यक्ष संगीता अर्जुन गायकवाड यांच्यासह माधव काळगावकर, श्रीरंग सपकाळ, राहुल गायकवाड, निरंजन कारेकर, विष्णू शेलार, प्रकाश बेलोसे, रवींद्र काळे, हनुमंत पवार, दिलीप वांगडे, वर्षा माळी, अशोक गोळे आणि राजेंद्र कोरडे आदी मान्यवर मंचावर विराजमान होते. बँकेच्या विकासात या सर्व सदस्यांचे महत्त्वाचे योगदान असल्याचे यावेळी अधोरेखित करण्यात आले.
सभेच्या पुढील टप्प्यात बँकेचे सरव्यवस्थापक यांनी २०२५-२६ या आर्थिक वर्षाचा सविस्तर अहवाल वाचन करून सादर केला.
नियमित कामकाज पार पडल्यानंतर नवनिर्वाचित संचालक अशोक गोळे, दिलीप वांगडे, राजेंद्र कोरडे व वर्षा माळी या नवनिर्वाचित संचालकांचा परिचय करून सत्कार करण्यात आला
तसेच झेन झी प्रतिनिधी सौम्या कोरडे आणि संपादक किसनराव जाधव यांचा तसेच अनेक मान्यवरांचा सुद्धा सत्कार करण्यात आला.
सभेचे सूत्रसंचालन बँकेचे संचालक अशोक गोळे यांनी खुमासदार पद्धतीने केले.सभेच्या शेवटी सर्व उपस्थितांचे आभार उपाध्यक्षा सौ संगीता गायकवाड यांनी केले. राष्ट्रगीताने या ४५ व्या वार्षिक सर्वसाधारण सभेची सांगता झाली.
