|

केंद्रीय गृहमंत्री अमित शाह यांचा मुंबई दौरा: अखिल भारतीय राजभाषा संमेलनाचे उद्घाटनासह सांस्कृतिक उपक्रमांना हजेरी

ByMumbai Jansatta


मुंबई, :
केंद्रीय गृह आणि सहकार मंत्री अमित शाह हे दोन दिवसांच्या मुंबई दौऱ्यावर आले असून, त्यांच्या या दौऱ्यात विविध शासकीय, सांस्कृतिक आणि राजकीय कार्यक्रमांची रेलचेल पाहायला मिळाली.
हिंदी दिनाचे औचित्य साधून नवी मुंबईत आयोजित ‘६ व्या अखिल भारतीय राजभाषा संमेलनाचे’ उद्घाटन गृहमंत्री अमित शाह यांच्या हस्ते पार पडले. “भारताच्या सर्व प्रादेशिक भाषा समृद्ध असून, राजभाषा हिंदी ही सर्व भाषांना एकत्र जोडणारा दुवा आहे,” असे प्रतिपादन त्यांनी या वेळी केले. या संमेलनात उल्लेखनीय कार्य करणाऱ्या संस्था आणि व्यक्तींना ‘राजभाषा गौरव’ व ‘राजभाषा कीर्ती’ पुरस्कारांनी सन्मानित करण्यात आले.
या दौऱ्यादरम्यान गृहमंत्र्यांनी फोर्ट परिसरातील ऐतिहासिक ‘एशियाटिक सोसायटी’ला भेट देऊन दुर्मिळ हस्तलिखितांच्या प्रदर्शनाचे उद्घाटन केले. तसेच गणेशोत्सवाच्या पार्श्वभूमीवर त्यांनी मुंबईतील प्रसिद्ध ‘लालबागच्या राजा’चे दर्शन घेऊन आशीर्वाद घेतले आणि मुख्यमंत्री देवेंद्र फडणवीस यांच्या वर्षा निवासस्थानी जाऊन बाप्पाची आरती केली.
या दौऱ्यात मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्याशी त्यांनी राज्यातील विविध विषयांवर आणि राजकीय घडामोडींवर सविस्तर चर्चा केली.

Similar Posts