नवी दिल्ली /गेल्या काही दिवसांपासून देशात लोकसभा आणि विधानसभा निवडणुकीत झालेल्या मतदानावर मत चोरीचा आरोप केला जातोय.त्यासाठी विरोधकांनी निवडणूक आयोगाच्या विरुद्ध देशभर आंदोलन सुरू केले होते.त्यामुळे आता निवडणूक आयोगाने मतदान प्रक्रियेत एक बदल केला आहे .त्यानुसार ईव्हीएम मशिनवर उमेदवारांचे रंगीत फोटो लावले जाणार आहेत तसेच अनुक्रमणिकेचे आकडेही मोठे असतील.याच पार्श्वभूमीवर केंद्रीय निवडणूक आयोगाने सर्वात मोठा निर्णय घेतला आहे. आयोगाने इलेक्ट्रॉनिक व्होटिंग मशीनबाबत नवी गाईडलाईन जारी केली आहे.
मिळालेल्या माहितीनुसार केंद्रीय निवडणूक आयोगाने ईव्हीएमबाबत एक नवी गाईडलाईन जारी केली आहे. या नव्या नियमांची अंमलबजावणी बिहारच्या विधानसभा निवडणुकीत होणार आहे. या नव्या गाईडलाईन्सनुसार आता ईव्हीएमवर उणेदवारांचे पहिल्यांदाच रंगीत फोटो लावले जाणार आहेत. सोबतच ईव्हीएमवरील अनुक्रमांकही आता आणखी स्पष्ट दिसतील अशी त्यांची रचना केली जाणार आहे.निवडणूक आयोगाने जारी केलेल्या पत्रकानुसार भारतीय निवडणूक आयोगाने निवडणूक नियमावली १९६१ च्या नियम ४९ ब अंतर्गत असलेल्या मार्गदर्शक सूचनांमध्ये संशोधन केले आहे. या संशोधनानुसार आता ईव्हीएमवर निवडणुकीला उभे राहिलेल्या उमेदवारांचे रंगीत फोटो छापले जातील. तसेच फोटोच्या तीन चतुर्थांश भागावर उमेदवाराचा चेहरा असेल. उमेदवार कोणता आहे हे स्पष्टपणे समजावे यासाठी हा निर्णय घेण्यात आला आहे. तसेच उमेदवारांचा अनुक्रमांक हा आंतरराष्ट्रीय भारतीय अंकांत असेल. या अंकाच्या फॉन्टचा आकार 30 असेल. हे सर्व अंक बोल्ड फॉन्टमध्ये असतील
