पुणे – पुण्यातील इंद्रायणी नदीवर बांधलेला पूल रविवारी कोसळला. पूल कोसळल्याने ४ जणांचा मृत्यू झाला आहे तर अनेक पर्यटक बुडाल्याची भीती व्यक्त केली जात आहे. महाराष्ट्रातील पुणे जिल्ह्यात इंद्रायणी नदीवर बांधलेला लोखंडी पूल रविवारी दुपारी कोसळल्याचे पोलिसांनी सांगितले. या अपघातात काही लोक वाहून गेल्याची भीती व्यक्त केली जात आहे.
महाराष्ट्राचे मुख्यमंत्री देवेंद्र फडणवीस म्हणाले की, इंद्रायणी नदीवरील पूल कोसळल्याने ४ जणांचा मृत्यू झाला, ३२ जण जखमी झाले, सहा जणांना वाचवण्यात आले, तर काही लोक वाहून गेले.
पंतप्रधान नरेंद्र मोदी यांनी रविवारी महाराष्ट्राचे मुख्यमंत्री देवेंद्र फडणवीस यांच्याशी फोनवरून संवाद साधला आणि कुंडमाळा येथील इंद्रायणी नदीवरील पूल कोसळल्यानंतर सुरू असलेल्या बचाव कार्याची माहिती घेतली. पंतप्रधान मोदींना बाधित लोकांना मदत करण्यासाठी सुरू असलेल्या प्रयत्नांची माहिती देण्यात आली
