नवी दिल्ली/ओला आणि उबर यांना टक्कर देण्यासाठी देशातील पहिली सहकारी कॅब सेवा पुढील महिन्यात, नोव्हेंबरमध्ये सुरू करण्याचे केंद्र सरकारने ठरवले आहे. स्पर्धा करेल, या दिवशी सुरू होत आहे. “भारत टॅक्सी” असे या कॅब सेवेचे नाव असेल.पुढच्या , नोव्हेंबरमध्ये दिल्लीत व पुढील वर्षी (२०२६) मुंबई, पुणे, भोपाळ, चेन्नई, बंगळुरू, लखनौ, वाराणसी आणि जयपूरसह किमान २० शहरांमध्ये ही सेवा विस्तारण्याचे सरकारचे नियोजन आहे.
केंद्रीय सहकार मंत्रालय आणि राष्ट्रीय ई-गव्हर्नन्स विभाग यांनी ही विकसित केलेली ही “भारत टॅक्सी” सहभागी चालकांना त्यांच्या कमाईचा पूर्ण वाटा देणे आणि प्रवाशांना खाजगी कॅब अॅग्रीगेटर्सना सरकार-नियंत्रित पर्याय प्रदान करणे या मुख्य उद्देशांनी सुरू करण्यात येते आहे. डिसेंबरमध्ये ही सेवा राष्ट्रीय पातळीवर सुरू होणार असली तरी राजधानी दिल्लीत नोव्हेंबरमध्ये तिचा चाचणी प्रकल्प सुरू होईल. या चाचणी प्रकल्पात ६५० वाहनचालक- मालकांचा समावेश असेल. म्हणजेच या सहकारी कॅब सेवेसाठी सुरवातीला दिल्लीत किमान ६५० वाहने उपलब्ध असतील. सरकारच्या प्रारंभिक नियोजनानुसार डिसेंबरपर्यंत देशातील किमान ५००० कॅबचालक या सेवेत सामील होतील आणि विविध शहरांमध्ये ग्राहकांची सेवा करण्यासाठी त्यांच्याकडे स्वतःची वाहने असतील.
गेल्या काही वर्षांत, अॅप-आधारित टॅक्सी सेवांबद्दल ग्राहकांच्या तक्रारी वाढत आहेत. अरेरावी करणारे चालक, अस्वच्छ गाड्या आणि महागडे भाडे, मनमानीपणे बुकिंग रद्द करणे, अचानक किमती वाढवणे याबरोबरच रात्री एकट्या जाणाऱ्या अनेक महिलांना दिल्ली-एनसीआरमध्ये काही कॅबचालकांचा वाईट अनुभव आल्याचे प्रकार घडले आहेत. यासारख्या तक्रारी वाढत चालल्याचे पाहून केंद्राने भारत टॅक्सी उपक्रमाला गती दिली. ही एखादी खासगी मालकीची कंपनी नसून एक सहकारी उपक्रम म्हणून काम करेल. जून २०२५ मध्ये ३०० कोटी रुपयांच्या सुरुवातीच्या भांडवलासह स्थापन झालेल्या सहकार टॅक्सी सहकारी लिमिटेड द्वारे ही सेवा चालवले जाईल. खासगी कंपन्यांप्रमाण भारत टॅक्सीचालकांना त्यांच्या ग्राहकांवर कोणतेही कमिशन मिळणार नाही.
दैनिक, साप्ताहिक किंवा मासिक शुल्क आकारण्याची परवानगी त्यांना असेल. मात्र यातूनही या कॅबचालकांना जास्त उत्पन्न मिळेल, असा सरकारचा विश्वास आहे. मार्च २०२६ पर्यंत मुंबईसह देशाच्या अनेक महानगरांमध्ये भारत टॅक्सी सेवा प्रत्यक्ष सुरू करण्याचे सरकारचे उद्दिष्ट आहे. २०३० पर्यंत जिल्हा मुख्यालये आणि ग्रामीण भागातील १,००,००० चालकांसह भारत टॅक्सी धावू लागतील असे अपेक्षित आहे.
