मुंबई – उद्धव ठाकरे म्हणतात आम्ही हे बंद करू , ते बंद करू, अरे मग चालू तरी काय ठेवणार ? या अशा लोकांवर विश्वास ठेवू नका कारण उद्धव ठाकरे हे बंद सम्राट आहेत अशा शब्दात मुख्यमंत्री शिंदे यांनी उद्धव ठाकरेंची खिल्ली उडवली
शिवाजी पार्क मैदानावर पंतप्रधान मोदींची महायुतीच्या उमेदवारांसाठी जाहीर सभा झाली. या सभेत मुख्यमंत्री एकनाथ शिंदे यांनी महाविकास आघाडीवर जोरदार टीका केली. उद्धव ठाकरे यांचे नाव न घेता ‘बंद सम्राट’ म्हणून एकनाथ शिंदेंनी उद्धव ठाकरेंची खिल्ली उडवली
शिंदे म्हणाले, आम्ही एक गेमचेंजर योजना आणली. लाडकी बहीण योजना आणली. त्यामुळे या महाभकास आघाडीवाल्यांच्या पायाखालची वाळू सरकली आहे. महाविकास आघाडी कोमात गेली आहे. म्हणून आम्ही म्हतोय केलय काम भारी आणि पुढची तयारी. काल पर्यंत हे लोक म्हणत होते की भीक देताय का? बहिणींना लाच देताय का? हे असं विचारणारांना भगीनी जोडा दाखवल्याशिवाय राहणार नाहीत.
पंचसुत्री योजना आणली. आमच्या योजना चोरायला लागतेत. डुप्लिकेट ते डुप्लिकेट. काॅपी करून पास होता येत नाही, असा टोला मुख्यमंत्र्यांनी महाविकास आघाडीला लगावला. महाराष्ट्राचा जीडीपी दुप्पट होतोय. आम्ही शब्द देतो की जे मुंबईकर मुंबईच्या बाहेर गेले आहेत ते त्यांना पुन्हा मुंबईत आणू त्यांना हक्काचे घर देऊ, असे आश्वासनही शिंदे यांनी दिले.महाराष्ट्र विकास आघाडीला धारा देणार नाही. यांची मशाल क्रांतीची मशाल नाही. घरा घरात भांडण लावणारी, जातीजातीमध्ये तेढ लावणार ही मशाल आहे.
