मुंबई – ऑपरेशन लोटसबाबत मी लिहलेलं सत्य कोणाला बोचत असेल तर त्याला मी काय करू. मी कोणाच्या बापाला घाबरत नाही. खरं बोलल्यामुळे कोणी मला लक्ष्य करत असेल तरी मी मागे हटणार नाही. मी सत्य बोलत आणि लिहीत राहणार. माझ्या विश्वसनीयतेवर शंका उपस्थित करण्याचा अधिकार कोणालाही नाही. फक्त शरद पवार यांनी माझ्या विश्वसनीयतेबाबत शंका उपस्थित केली तर मी त्याची दखल घेईन. मी फक्त शरद पवार यांचेच ऐकेन, अशा शब्दांत खासदार संजय राऊत यांनी राष्ट्रवादी काँग्रेसचे नेते अजित पवार यांना प्रत्युत्तर दिले. ते बुधवारी मुंबईत प्रसारमाध्यमांशी बोलत होते.
महाराष्ट्रात ऑपरेशन लोटस सुरु असून त्याअंतर्गत भाजपकडून अजित पवार यांच्यासह राष्ट्रवादीचे काही आमदार गळाला लावण्याचे प्रयत्न सुरु आहेत, असा दावा काही दिवसांपूर्वी संजय राऊत यांनी केला होता. मात्र, अजित पवार यांनी मंगळवारी पत्रकार परिषद घेत मी राष्ट्रवादी काँग्रेसमध्येच राहणार असल्याचे स्पष्ट केले. यावेळी त्यांनी संजय राऊत यांना अप्रत्यक्षपणे फटकारले होते. इतर कोणीही आमच्या पक्षाची वकिली करू नये. आमच्या पक्षाबाबत बोलण्यासाठी राष्ट्रवादी काँग्रेसचे प्रवक्ते सक्षम आहेत, असा टोला अजितदादांनी राऊत यांनी लगावला होता. त्या टीकेला संजय राऊत यांनी आजच्या पत्रकार परिषदेत प्रत्युत्तर दिले.
Similar Posts
दादरमध्ये परप्रांतीय फेरीवाल्याचा सुळसुळाट मराठी माणसांचे तारणहार आता गप्प का ?- मराठी माणसांचे तारणहार बनलेले शिवसेना आणि मनसेचे लोक कुठे गेले?
मुंबई-/ मराठी माणसांची मुंबईतील मोठी बाजारपेठ अशी ओळख असलेल्या दादर मध्ये सध्या परप्रांतीय फेरीवाल्यांचा सुळसुळाट झालेला आहे. मात्र त्यांच्यावर पालिकेकडून कारवाई होताना दिसत नाही. कारवाई गरीब मराठी फेरीवाल्यांवर होते कारण परप्रांतीय रोहिग्या फेरीवाल्यांचे एक मोठे सिंडिकेट दादर मध्ये सक्रिय आहे. शामसुद्दीन आणि जमाल नावाचे दोन दलाल फेरीवाल्या कडून हप्ते गोळा करतात आणि पालिका लासन्स विभागाला…
