भायखळा: सार्वजनिक गणेशोत्सव मंडळांच्या समन्वय बैठकीत – रस्त्यांची दुरवस्था आणि फेरीवाल्यांच्या अतिक्रमाणचा प्रश्न गाजला

मुंबई:बृहन्मुंबई महानगरपालिका ई-वॉर्ड, बी वॉर्ड, अ वॉर्ड कार्यक्षेत्रात आगामी गणेशोत्सवाच्या पार्श्वभूमीवर पालिका प्रशासन आणि सार्वजनिक गणेशोत्सव मंडळ यांच्यात ७ सप्टेंबर २०२६ रोजी महत्त्वपूर्ण समन्वय बैठक पार पडली.
या बैठकीत आगामी सण निर्विघ्न आणि उत्साहात पार पाडण्यासाठी विविध नागरी प्रश्नांवर सविस्तर चर्चा झाली. यामध्ये प्रभाग क्रमांक २०७ चे लोकसेवक चंद्रशेखर कानडे यांनी भागातील नागरी समस्या आणि मंडळांना येणाऱ्या अडचणींवर आक्रमक भूमिका मांडली. भायखळा परिसरातील रस्त्यांची झालेली दुरवस्था, खड्डे आणि भायखळा रेल्वे स्टेशन परिसरात बेकायदेशीर फेरीवाल्यांनी केलेले अतिक्रमण या मुख्य मुद्द्यांकडे त्यांनी पालिकेचे लक्ष वेधले. फेरीवाल्यांवर पालिका प्रशासनाकडून केवळ थातूरमातूर कारवाई केली जाते, असा थेट आरोप करत गणेशोत्सवापूर्वी या समस्येवर कायमस्वरूपी तोडगा काढण्याची जोरदार मागणी कानडे यांनी केली.
या बैठकीस स्थानिक आमदार अमीन पटेल, आमदार अमीन पटेल,स्थानिक नगरसेवक – प्रभाग समिती अध्यक्ष ज्ञानराज निकम, रमाकांत रहाटे, रोहिदास लोखंडे, मकरंद नार्वेकर,जावेद जुनेजा आदि नगरसेवक तसेच ई-वॉर्डचे सहाय्यक आयुक्त आनंद कंकाळ, उपायुक्त चंदा जाधव आणि कार्यकारी अभियंता चौधरी इतर सहायक अभियंता परिरश न, पर्यावरण, इमारत कारखाने, लायसन विभाग,मार्केट विभाग पालिका अधिकारी व गणेशोत्सव मंडळांचे प्रतिनिधी उपस्थित होते. प्रशासनाने या समस्यांवर तातडीने उपाययोजना करण्याचे आश्वासन दिले असून, गणेशोत्सवापूर्वी रस्त्यांची डागडुजी आणि अतिक्रमणमुक्त परिसर करण्याची ग्वाही दिली आहे.